![سر الظهور باكسبلور تيك توك](https://digzone.net/wp-content/uploads/2023/08/سر-الظهور-باكسبلور-تيك-توك-780x470.png)
ليه تيك توك يرفض يطلعك اكسبلور مهما تسوي محتوى وتبدع ؟ وش الحلول اذا تيك توك عمل لك بلوك من الاكسبلور ؟ ادرت اكثر من 50 حساب في تيك توك تعال افهمك بعض خوارزميات تيك توك في هذا المقال وبعطيك حلول انا استخدمتها ونجحت معي :
تيك توك منصه تجيب لك مبيعات بس اذا استمريت عليها وفهمت لها، مو تنشر فيدوهين وتنتظر مبيعات تجيك.
خوارزميات تيك توك تحب التالي :
١- النشر المستمر ( اقل شي ٣ فيدوهات )
٢- انشر محتوى يشد المتابع يشوفه للنهايه.
٣- محتوى القصه ، محتوى الضحك كلها خوارزميات تيك توك.
٤- الترند
خوارزميات تيك توك ماتحب التالي :
١- تنشر يوم وتهمل يوم.
٢- اول فيديو ينزل في حسابك تروح تدفع عليه فلوس وتروج له.
٣- تحول حسابك بزنس في اول يوم تفتحه.
٤- محتوى اي كلام.
٥- محتوى جاد.
تيك توك ماتظهر مقاطعي اكسبلور وش الحل ؟
اولا : هل استمريت اكثر من ٤٥ يوم في النشر دون توقف ولا مقطع منهم وصل للناس ؟
بمعنى نشرت اكثر من ١٠٠ فيديو ولا واحد فيهم ضرب او وصل ؟
هنا اقولك مبروك عليك تيك توك مسوي لك بلوك وش الحل ؟
بالك طويل ؟ تواصل مع تيك توك
بالك مو طويل والحل الافضل اللي جربناه ؟ افتح حساب ثاني.
طيب فيدوهاتي في حسابي القديم عادي ارجع انشرها ؟
طبعا عادي وراح تلاحظ الفرق في الحساب الجديد كيف ينتشر الفيديو بشكل افضل
حاولت ابحث كثير عن اسباب بلوك تيك توك مالقيت سبب واضح بس لاحظت اذا الحساب ركز على نشر الاعلانات اكثر من المحتوى ممكن يحصل بلوك ” مو دايما ” اوقات تيك توك بدون سبب مايطلعك اكسبلور.
انتبه تكون شخص نشر فيدوهين ويقول ماطلعو اكسبلور طبيعي هذا ، خليك مستمر ومبدع وانشر بدون توقف.
تيك توك فيه رزق كثيير بس يحتاج منك بال طويل واستمرار وافكار متجدده.
نصيحتي لاي مشروع مافتح حساب هناك مازال فيه وقت تروح تفتح حسابك هناك.
اصحاب المشاريع واصحاب المطاعم والكافيهات تواجدك في تيك توك اساسي ، يمكن ماتشوف الفرق في اول شهر بس اضمن لك لو استمريت ٣ شهور مستحيل تقدر توقف من تيك توك لانك فعليا بتشوف الفرق في المبيعات عندك.
تعرف على سر الظهور باكسبلور انستجرام عبر الرابط